Gözaltı qaralmanın səbəbi

Yorğun olduğumuz zaman güzgüyə baxdığımızda gözümüzün altında qara dairələr görürük. Göz qapaqları altında tünd dairələr kişilərdə və qadınlarda geniş yayılmış problemlərdən biridir. Göz ətrafı bədənimizin estetik baxımdan önəmli yerlərindən biridir. Göz ətrafı parlaq və canlı görünəndə insana sağlam və gənc görünüş verir.

Uzun müddətli uçuşlar, stresli bir həftə və ya yuxusuz bir gecə göz altındakı qara dairələrin əsas səbəbləridir. Göz altındakı tünd dairələr dəri rəngindən asılı olaraq bənövşəyi, mavi, qəhvəyi və qara rənglərdə görünə bilər. Məşhur inancın əksinə olaraq, yuxusuzluq gözlər altında qara dairələrin əsas səbəbi deyil.

Ən bariz səbəb hiperpiqmentasiya hesab olunur. Hiperpiqmentasiyaya genetik səbəblərlə yanaşı günəşə məruz qalma, siqaret çəkmək və qeyri-kafi yuxu kimi ətraf mühit faktorları da səbəb ola bilər.

 Bu  tünd dairələr insanları olduğundan daha yaşlı göstərir və bu da müəyyən problemlər yaradır. Çox vaxt sağlamlıq problemi yaratmasa da, insanların emosional vəziyyətinə mənfi təsir göstərərək əhəmiyyətli bir estetik narahatlıq mənbəyi ola bilər.

Gözlər altında qara dairələr niyə yaranır?

Yaş faktoru: Yaş artdıqca yağ və kollagen itkisi baş verir, nəticədə dəri elastikliyini itirir. Bütün bunlar bir araya gəldikdə, dərinin altındakı tünd qan damarları daha çox görünür və göz altında göyərmələrə səbəb olur.

Yorğunluq: Həddindən artıq yorğunluq, çox yatmaq və ya yuxu rejiminin pozulması kimi problemlər göz altında qara dairələrin yaranmasına səbəb olur. Normal yatmadan bir neçə saat sonra oyanaraq yenidən yuxuya getməmək, yuxusuzluq dərinin solğunlaşmasına və göz altında qara dairələrin yaranmasına səbəb olur. Belə hallarda dəri həssas olur, qaranlıq toxumaların görünməsinə səbəb olur.

Az Yatmaq: İnsan orqanizmi üçün əvəzolunmaz olan yuxunun nə qədər vacib olduğunu şübhəsiz hamımız bilirik. Məlum həqiqətdir ki, kifayət qədər yatmayan insanların orqanizmində zamanla müxtəlif xəstəliklər yaranır. Göz altındakı qara dairələr yuxusuz qalan insanların orqanizmində yaranan mənfi təsirlərdən biridir. Mütəxəssislər sağlam həyat üçün ən az 8 saat yatmağı tövsiyə edir.

Qidalanma vərdişləri: Göz altındakı qara dairələrin əsas səbəblərindən biri balanssız qidalanmadır. İndiki vaxtda insanların çoxu gün ərzində yediyi qidanın sağlamlığına zərərli təsirini düşünmür. Bu vəziyyət gələcəkdə orqanizmdə müxtəlif xəstəliklərin yaranmasında təsirli olur. Sağlam həyat sürmək üçün yediyiniz qidalara diqqət yetirməyiniz tövsiyə olunur.

Allergik reaksiyalar: Allergik reaksiyalar və quru gözlər də göz altında qara dairələrin yaranmasına səbəb olur. Allergik reaksiya meydana gəldikdə, bədən zərərli bakteriyalara cavab olaraq histamin buraxır. Histaminlər də qızartı və göz şişməsi kimi xoşagəlməz simptomlara səbəb olur.Qan damarları daha sonra genişlənir, dərinin altındakı qançırlar görünür. Allergiyadan sonra qaşınma da iltihab, şişlik və qan damarlarının görünməsinə səbəb olur.

Dehidrasiya(susuzlaşma): Göz altındakı qara dairələrin ən çox görülən səbəbidir. Bu, bədənin lazımi miqdarda su almamasının bir əlamətidir. Bundan sonra göz altındakı dəri solğun olur. Gözlər çökür. Bunun səbəbi onun alt sümüyə yaxın olmasıdır.

Günəşə məruz qalma: Həddindən artıq günəşə məruz qalma bədənin dəriyə rəng verən piqmenti təmin edən melanin istehsal etməsinə səbəb olur. Həddindən artıq günəş işığına məruz qalma, xüsusən də göz ətrafında piqmentasiyanın qaralmasına səbəb olur.

Genetik faktorlar: Ailə tarixçəsi və meyillilik də göz altında qara dairələrin əmələ gəlməsində mühüm rol oynayır. Erkən uşaqlıqda görünməyə başlayan göz altındakı qara dairələr irsi xüsusiyyətə malik ola bilər. Bu vəziyyət yaşlandıqca daha da pisləşir. Bəzən isə yaşla birlikdə onun tədricən yox olması da mümkündür.

Qalxanabənzər vəzinin xəstəlikləri: Tiroid xəstəliklərinə meyllilik də gözlər altında qara dairələrin səbəbi ola bilər.

Digər mümkün amillər

Kontakt dermatit, qeyri-bərabər dəri tonu, ekzema (atopik dermatit), tiroid bezinin pozğunluqları, dəmir çatışmazlığı anemiyası, sinus tıkanıklığı, siqaret, göz təzyiqi üçün istifadə edilən damcılar (qlaukoma).

Göz altındakı qara dairələrdən təbii yolla necə qurtulmaq olar?

Sağlam Yuxu: Göz altındakı qara dairələrin səbəbi sağlam olmayan və qeyri-kafi yuxu ola bilər. Yuxunuzun keyfiyyəti göz altındakı qara dairələr üçün müəyyənedicidir. Başınızın altına qoyduğunuz əlavə yastıqları çıxarmaq göz altındakı qara dairələri və şişkinliyi aradan qaldırmağa kömək edə bilər. Arxa üstə yatmağa çalışın.

Soyuq kompreslər: Qaralmış sahənin soyudulması qan axını azaldır. Bu tətbiq buz torbası ilə edilə bilər. Soyuducudan çıxarılmış bir neçə dəqiqə ərzində xiyar dilimləri və ya başqa soyuq bir şey qoymaq təsirli olacaq.

Kremlər: Göz altı kremlər mütəxəssis məsləhəti ilə istifadə edilə bilər. Bu görünüşü azaltmağa kömək edən təbii kremlər mövcuddur. Bununla belə, mütəxəssis məsləhəti ilə keyfiyyətli kremlərdən istifadə etmək vacibdir. Əks halda, göz həssas bir bölgə olduğu üçün qıcıqlanmaya səbəb ola bilər.

Kofein: Qan damarlarını daraltma qabiliyyətinə malikdir. Bundan əlavə, soyudulmuş çay paketinin bağlı gözə qoyulması da müsbət təsir edir.

Xiyar: Tərkibinin çox hissəsi su olan xiyarın göz ətrafının susuzlaşmasının qarşısını aldığı bilinir.

Üzün düzgün yuyulması: Üzü yuyarkən daim isti sudan istifadə etmək gözlərdə qızartı və şişkinlik yaradır. Üz yuyularkən ilıq su istifadə edilməli və üz yumşaq hərəkətlərlə yuyulmalıdır.

Kokos yağı: Axşam yatmazdan əvvəl gözlərinizi kokos yağı ilə masaj etmək qara dairələri azaltmağa kömək edə bilər.Bu yağ dəridə zədələnmiş hüceyrələri bərpa edən təsirə malik olan E vitamini mənbəyidir.

Çay paketi: Soyudulmuş çay paketini göz ətrafına qoymaq də göz altındakı qara dairələrə və tünd dairələrə müsbət təsir göstərə bilər. Bəs çay paketləri göz altındakı qaraltıya necə təsir edir?

Antioksidantlar və kofeinin köməyi ilə damarlarda qan axınını stimullaşdırır, damarları daraldır və dəri altında maye balansını azaldır.

Gül suyu: Qızılgül suyu yorğun dərini sakitləşdirir və canlandırır. Makiyaj üçün istifadə etdiyiniz pambıq diskin üzərinə bir neçə damcı gül suyu tökün. Gözlərinizi bağlayın və göz qapaqlarınıza pambıq yastiqciqlar qoyun. Bunu gündə iki dəfə 15 dəqiqə tətbiq edə bilərsiniz.

Limon suyu

Limon suyunu pambığa tökün və göz qapaqlarına çəkin.

Limon suyu bir çox vitaminlərlə, xüsusilə C vitamini və minerallarla zəngindir. Limon suyu, tərkibində limon turşusunun olması səbəbindən dərini ölü dəridən təmizləmək qabiliyyətinə malik olan təsirli mənbədir.Ləkələri və qaralmanı azaltma təsiri ilə dərini canlandırır. Tərkibində bol miqdarda C vitamini olduğu üçün nizamlı qulluq edildikdə dərinin solğun görünüşünü düzəldir, ona canlılıq və hamarlıq verir. Limon suyu ilə isladılmış pambıq göz qapaqlarına qoyulub 5-10 dəqiqə saxlanıla bilər. Göz qapağı nazik və həssas bir dəri olduğu üçün uzun müddət saxlanılmamalı və gözə qaçırmamağa diqqət edilməlidir.

Sağlam qidalanın: Gözlərinizin altındakı qara dairələri yox edəcək möcüzəvi qidalar yoxdur. Bununla belə, sağlam taxıllar, yağsız zülallar, sağlam yağlar, təzə meyvə və tərəvəzləri ehtiva edən pəhriz, gözlər də daxil olmaqla, dəri sağlamlığında görünən dəyişiklik yaradır. Qan dövranını artıran və damarları qoruyan antioksidant olan likopen olan pomidorları pəhrizinizə əlavə edin. Pəhrizinizə qaragilə, qarpız, portağal və qırmızı çuğundur kimi meyvə və tərəvəzləri daxil edin. Bol su içməyi heç vaxt unutmayın.

Istifadə edilmiş mənbələr:

www.acibadem.com.tr

www.fbm.com.tr