
Bakıda ən yaxşı dermatoloqlar
Sızanaq ən çox yayılmış dəri xəstəliklərindən biridir, amma ona ən az ciddi yanaşılan xəstəlik də odur. Çoxları onun yaşla keçəcəyini gözləyir, nəticədə üzdə çapıq və ləkələr qalır. Bakıda ən yaxşı dermatoloqu axtaranların böyük hissəsi məhz bu mərhələdə həkimə gəlir. Dermatoloq Dermatoloq Mehdi Mahmudi ilə sızanağın müalicəsindən və məsləhətli dermatoloq kimdir sualından danışdıq.
Mehdi həkim, sızanaqla bağlı ən çox hansı səhvi görürsünüz?
Gözləməyi. Valideyn deyir ki, yeniyetməlikdir, keçəcək. Bəzi hallarda həqiqətən keçir, amma dərin, iltihablı sızanaqlar keçərkən çapıq buraxır. Çapığı müalicə etmək isə sızanağın özünü müalicə etməkdən qat-qat çətindir. İkinci səhv sızanağı sıxmaqdır. Sıxılan element daha dərinə yayılır və izin qalma ehtimalı artır.
Pasiyentlər sizə gələnə qədər adətən nələri yoxlamış olur?
Demək olar ki, hər şeyi. Sosial şəbəkədə görülmüş kremlər, turşular, maskalar, salonda mexaniki təmizləmə. Bəzən bir neçəsi eyni vaxtda. Dəri qıcıqlanır, qoruyucu qatı zədələnir və sızanaq daha da artır. Belə pasiyentdə əvvəlcə dərini sakitləşdirməli, sonra əsas müalicəyə keçməli oluruq.
Sızanaq nə vaxt artıq həkim müalicəsi tələb edir?
Səpgilər ağrılıdırsa, dərində düyünlər yaranırsa, iz qalırsa və ya aptek vasitələri iki-üç ay ərzində nəticə vermirsə. Böyük yaşda başlayan, çənə və boyun nahiyəsində toplanan sızanaqlar da müayinə tələb edir, çünki onların arxasında hormonal səbəblər ola bilər.
Müalicə nə qədər çəkir?
Sızanaq müalicəsi səbir tələb edir. Aydın yaxşılaşma adətən iki-üç aydan sonra görünür. Pasiyentin ən böyük səhvi ilk həftələrdə nəticə görmədikdə müalicəni dəyişmək və ya dayandırmaqdır. Təcrübəmdə ən yaxşı nəticəni təyinata ardıcıl əməl edən pasiyentlər alır.
Sızanaq keçəndən sonra qalan izlər yox olurmu?
Qırmızı və qəhvəyi ləkələrin çoxu zamanla solğunlaşır. Dəridəki çökəkliklər isə öz-özünə keçmir, onlar üçün ayrıca prosedurlar lazımdır. Amma əvvəlcə aktiv sızanaq nəzarətə alınmalıdır. Yeni səpgilər çıxdığı halda köhnə çapıqları müalicə etməyin mənası azdır.
Dermatoloq Mehdi Mahmudi dermatoloq-kosmetoloqdur, lazer və estetik dermatologiya üzrə beynəlxalq kurs və konqreslərin iştirakçısıdır. Salutem Dermatoloji Klinikasında bazar ertəsindən şənbəyədək qəbul edir.



