Zülalı necə azaltmaq olar
Sidik böyrəklərdə qanın süzülməsi nəticəsində əmələ gəlir. Bədənin su və elektrolitlərə nəzarəti böyrəklər tərəfindən həyata keçirilir. Bundan əlavə, qan səviyyəsi yüksəldikdə, sidiklə sidik cövhəri kimi zərərli maddələr xaric olur. İnsan sidiyində yağ və şəkər olduğu halda, az miqdarda zülal də var.
Zülal qanla bədən orqanlarına və toxumalarına daşınır. Böyrəklərimiz zülalın qana keçməsinin qarşısını alır və onun qanda qalmasını təmin edir. Əgər onlar bu funksiyanı itirirlərsə, zülal kapilyarlardan keçərək sidiyə keçir. Yüksək qan təzyiqi böyrəklərin zədələnməsinə səbəb olduğu üçün sidikdə zülal sızmasının əsas səbəbidir.
Sidikdə zülalın sızması böyrəklərin normal funksiyalarını yerinə yetirə bilməməsi nəticəsində meydana gəlir. Normalda böyrəyimiz qanı təmizləyərkən zülalları özündə saxlayır və bədənimizin ehtiyaclarını ödəmək üçün onları yenidən absorbsiya edir. Ancaq bəzi hallarda bu proses pozulur və sidikdə zülal sızması baş verir.
Normal şəraitdə sidikdə zülal olmamalı və ya çox az miqdarda olmalıdır. Zülal sızması böyrəklərin və ya sidik yollarının normal funksiyalarını pozulmasının əlaməti ola bilər.
Sidikdə zülal çoxluğunun əlamətləri
Sidikdə zülal səviyyəsinin müvəqqəti artmasına səbəb ola bilən, lakin böyrək zədələnməsini mütləq göstərməyən şərtlərə aşağıdakılar daxildir:
- Bədənin həddindən artıq susuzlaşması (dehidrasiya)
- Emosional stress
- Həddindən artıq soyuğa məruz qalma
- Qızdırma
- Gərgin fiziki fəaliyyət
Sidikdə zülal sızması olanların pəhrizlərində diqqət etməli olduqları ümumi məqamları aşağıdakı kimi sıralaya bilərik:
- Onlar su istehlakını artırmalıdırlar.
- Heyvan zülalları yerinə paxlalılar, taxıllar və soya məhsulları kimi bitki mənşəli zülal qaynaqlarını istehlak etmələri vacibdir.
- Qızardılmış yeməklər yerinə qaynadılmış qidalara üstünlük verməlidirlər.
- Onlar üçün bağırsaqların nizamlı işləməsini təmin edən lifli qidaların istehlakını artırmaq vacibdir.
- Bu şəxslər cəfəri və kəklikotu kimi faydalı bitkilərdən istifadə edə bilərlər.
Sidikdə zülal sızması olanlar nə yeməməlidir?
Sidikdə protein sızması probleminin səbəbi nə olursa olsun, nəticədə böyrəklərin unksiyası zəifləyir. Bu səbəbdən xəstəlik zamanı böyrəkləri yoracaq qidaları qəbul etməkdən çəkinmək lazımdır.Bu qidalara aşağıdakıları daxil edə bilərik:
- Duzlu yeməklər
- İşlənmiş və şəkəri yüksək olan qidalar
- Zülallı qidalar
- Toyuq, hinduşka və qırmızı ət kimi heyvan qidaları
- Balıq və dəniz məhsulları
- Paxlalılar
- Soya və soyadan hazırlanmış məhsullar
- Süd və süd məhsulları
Orqanizmdə zülal çoxluğu səbəbindən zülal pəhrizi tərtib etmək lazımdır.
Az zülallı qidalanma pəhrizinə əməl edərkən, sağlam qidalardan istifadə etmək lazımdır. Qırmızı ət və toyuq, zülalla zəngin paxlalılar, süd və süd məhsulları kimi qidalardan uzaq durmağınız lazım olsa da, bədəniniz üçün çox faydalı olan tərəvəzlərdən bol istifadə etmək doğru olardı:
- Tərəvəzlər, xüsusilə pomidor, bibər, xiyar, göyərti, brokoli və gül kələm,
- Alma, armud, banan, şaftalı, çiyələk kimi bütün meyvələr,
- Zeytun yağı və hindistan cevizi yağı kimi heyvani tərkib hissələri olmayan bitki yağları,
- Düyü, makaron və çörək kimi aşağı zülallı taxıllardan hazırlanan qidalar.
